جيتك واجي خاطري مليان جراح
وقلبي من كثر المحاين متمحمح
.
في ضني نلقاك ماليلي لمراح
تفرح بيا يوم ماليك انروح
.
ما صدقت منين قالو ولفك راح
ونضر فكري بعيد في لرسام سرح
.
تخيلتك قدام عيني جيت شباح
وعدت انحدث فيك والدمعة تطفح
.
تاه القلب وما بقى لصبر سلاح
وتهد البنيان والجيش رتسرح
.
يا ظالمني كان هو قلبك مرتاح
انا قلبي ما تهنى ما ريح
.
كان نسيت ودرتني من ماضي راح
انا راني بيك نمسا ونصبح
.
دنيا مرة كاسها مليان املاح
خداعة من شاوها تعطي وتنح
.
تتغير ما بين عشوة ولا صباح
مثل الحوتة في بحر لجي تسبح
.
تجمع بين اثنين بالحب ولفراح
وتفرقهم وتسيب لعيون تنوح
.
مرة تاتي بالمطر مرة برياح
مرة هايض وادها مرة نازح
.
مرة تاتي بالهناء مرة بقراح
مرة تصفي بالوفاء مرات تشح
.
رجعت معدم راشقة فيا لرماح
ونداري على الناس وعيوني تفضح
.
لو لقيت انطير ليك بغير جناح

ونشوفك يا حبيب قلبي ونروح.


                     

                        منقولة